Look at "Moods Unpredictable", not "Moods" condoms. Is Mahendra Rambhau Borkar doing exactly that?
पुणे, दि. ७ (चेकमेट टाईम्स): “मुड्स” म्हटलं
की लगेच तुमच्या डोक्यात कंडोम’चे चित्र उभे राहिले असेल. काही जणांना आम्ही इथे
कंडोम हा वापरलेला शब्द देखील खटकेल. मात्र तोच कंडोम आयुष्यातील मोठी संकटे
टाळतो. त्यामुळे हा शब्द आम्हाला अपवादात्मक वाटत नाही. पण “मुड” हा विषय
प्रत्येकाला आवडतो. कोणाला कधी, कुठे आणि कशाचा मुड होईल सांगता येत नाही.
त्यामुळे मुड’चे प्रकार कोणकोणते यावर चर्चा करायला लागलो तर कादंबरी प्रकाशित
होईल. त्यामुळे आपण महेंद्र रामभाऊ बोरकर यांच्या “मुडस” बाबत जाणून घेऊ.
नात्यातील काही प्रश्न
अनुत्तरित राहिले. योग्य वेळी योग्य सुसंवाद झाला नाही. तर त्या नात्यातील सुंदरता
आपण गमावून बसतो. वेळप्रसंगी नात्यात टोकाचा दुरावा निर्माण होतो. विसंवादातून
एखाद्या व्यक्तीचे जीवन नीरस होऊ शकते. अशाच एका नाते संबंधांतील संवेदनशील
विषयावर सकारात्मक भाष्य करणारा “सायको थ्रीलर चित्रपट” प्रेक्षकांच्या भेटीला येत
आहे. “मुड्स – Unpredictable” असे या आगामी मराठी
चित्रपटाचे नाव असून या चित्रपटाचे लेखन आणि दिग्दर्शन महेंद्र रामभाऊ बोरकर यांनी
केले आहे. मात्र यात अगोदरच Unpredictable हे स्पष्टपणे
सांगितले आहे. त्यामुळे आपल्याला कोरोना मंदावल्यानंतर चित्रपटगृहात चित्रपट
पाहतानाही Predict करता येणार नाही, आणि शेवटपर्यंत खुर्चीला खिळवून ठेवणारा
चित्रपट पाहायचा असेल, तर त्याला “मुड्स” शिवाय पर्याय नाही, असेच काही चित्र या “मुड्स”च्या
पत्रकार परिषदेत बोरकर यांनी सांगितले आहे.
एस स्क्वेअर एन्टरटेनमेंट
प्रस्तुत 'मुड्स - Unpredictable'
या चित्रपटाचे पहिले पोस्टर नुकतेच पुण्यात लॉंच करण्यात आले.
यावेळी चित्रपटाचे निर्माते संतोष अंकुश चव्हाण, अखिल भारतीय
मराठी चित्रपट महामंडळाचे अध्यक्ष मेघराज राजेभोसले, चित्रपटांचे
लेखक - दिग्दर्शक महेंद्र रामभाऊ बोरकर, अभिनेता रितेश
नगराळे आदी मान्यवर उपस्थित होते.
'मुड्स - Unpredictable'
या चित्रपटाची निर्मिती एस स्क्वेअर एन्टरटेनमेंट या बॅनरखाली
निर्माते संतोष अंकुश चव्हाण यांनी केली आहे. या चित्रपटाचे लेखन आणि दिग्दर्शन
महेंद्र रामभाऊ बोरकर यांनी केले आहे. त्यांचे या चित्रपटाच्या माध्यमातून चित्रपट
दिग्दर्शक म्हणून पदार्पण होत असले तरी, बोरकर हे मागील 20 वर्षांपासून मनोरंजन
विश्वात कार्यरत आहेत. एकांकिका, प्रायोगिक रंगभूमी, व्यावसायिक नाटक तसेच विविध मालिकांचे लेखक, सहदिग्दर्शक
म्हणून त्यांनी प्रेक्षकांची दाद मिळविली आहे.
आगामी 'मुड्स - Unpredictable' या चित्रपटाबद्दल बोलताना
लेखक, दिग्दर्शक महेंद्र रामभाऊ बोरकर म्हणाले, आयुष्याला पॉझिटिव्ह एनर्जी देणारी ही कथा आहे. हल्ली आपण फार यांत्रिक
म्हणजे रोबोट सारखे जीवन जगतोय.
संवेदशीलता हरवून चाललीय. कोणतेही नाते टिकण्यासाठी, फुलण्यासाठी
संवाद खूप महत्वाचा असतो, नात्यात सुसंवाद नसेल तर ते नाते,
रिलेशनशिप फक्त नावाला असते. एखादी घटना वाईट घडली म्हणजे संपूर्ण
आयुष्यच वाईट नाही. आयुष्य अधिक सुंदर कसे करता येईल? नाते कसे फुलवता येईल? हे
मनोरंजक पद्धतीने सांगितलेली गोष्ट म्हणजे हा “मुड्स” होय. हा चित्रपट प्रत्येकाला
नात्याबद्दल नवीन विचार देईल.
अखिल भारतीय मराठी चित्रपट
महामंडळाचे अध्यक्ष मेघराज राजेभोसले म्हणाले, कोरोना काळानंतर आता नवनवीन चित्रपट तयार व्हावेत, निर्मात्यांनी पुढे यावे आणि चित्रपटसृष्टीचे काम पुन्हा जोमावे सुरू
व्हावे अशी आमची इच्छा आहे. चित्रपट महामंडळ सर्व चित्रपट निर्मात्यांच्या पाठीशी
खंबीरपणे उभे राहील.
माहिती
महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली
कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७
या क्रमांकावर व्हाटस अॅप करा ! आम्हाला फेसबुक, इंस्टाग्राम
आणि युट्युबवर फॉलो करा...!
फेसबुक
लिंक : https://www.facebook.com/checkmatetimes
युट्युब
लिंक : https://www.youtube.com/c/CheckmateTimes
इंस्टाग्राम लिंक : https://www.instagram.com/checkmate_times/
.webp)
