बसच्या चाकाखाली सापडून एका 12 वर्षाच्या विद्यार्थ्याचा दुर्दैवी मृत्यू - वडगाव खुर्द

 

पुणे, १५ जून २०२२ (चेकमेट टाईम्स): स्कुल बसच्या चाकाखाली सापडून एका 12 वर्षाच्या विद्यार्थ्याचा दुर्दैवी मृत्यू झाल्याची घटना पुण्यातील वडगाव खुर्द येथे घडली आहे. ही घटना मंगळवारी (दि.14) दुपारी तीनच्या सुमारास घडली आहे. मनपाच्या राजयोग सोसायटीतील मुरलीधर लायगुडे रुग्णालयासमोर ब्लॉसम पब्लिक स्कूलची बस वळण घेत होती. त्यावेळी अर्णव अमोल निकम हा बसच्या मागच्या चाकाखाली आला. यामध्ये गंभीर जखमी झालेल्या अर्णवचा जागीच मृत्यू झाला. डोळ्यादेखत अपघाताचा प्रसंग पाहिल्याने इतर शाळकरी मुले खूप घाबरली होती.

पुण्यातील शाळा सुरु झाल्या आहेत. ब्लॉसम पब्लिक स्कुल बस विद्यार्थ्यांना सोडण्यासाठी राजयोग सोसायटी जवळील पीएमपीएमएलच्या बस थांब्याजवळ  आली असता, बस थांब्यावर अर्णव व इतर विद्यार्थी उतरले. यानंतर स्कुल बस वळवत असताना चालकाचे लक्ष नसल्याने काही कळण्याच्या अगोदरच बसचे मागील चाक अर्णवच्या अंगावरुन गेले. यामध्ये त्याचा जागीच मृत्यू झाला. अर्णवच्या मृत्यूमुळे कुटुंबावर शोककळा पसरली आहे.

अपघाताची माहिती मिळताच पोलिसांनी घटनास्थळी दाखल होत बस चालक दत्तात्रय लक्ष्मण परेकर  (वय-49 रा. धनकवडी) याला ताब्यात घेतले. त्याच्याविरुद्ध गुन्हा दाखल करण्यात आला आहे. अपघातात जखमी झालेल्या विद्यार्थ्याला जवळच्या रुग्णालयात नेण्यात आले. मात्र उपचारापूर्वीच मृत्यू झाल्याचे डॉक्टरांनी घोषीत केले. पुढील तपास सिंहगड रोड पोलीस ठाण्याचे वरिष्ठ पोलीस निरीक्षक शैलेश संखे यांच्या मार्गदर्शनाखाली पोलीस निरीक्षक प्रमोद वाघमारे, पोलीस उपनिरीक्षक किशोर तनपुरे करत आहेत.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा !

आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा.......!

आम्हाला वेबपोर्टल’वर फॉलो करा: https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84