रिक्षाचालकाची मुलगी झाली 'सीए'; प्रचंड इच्छाशक्तीच्या जोरावर मिळविले पहिल्याच प्रयत्नात यश

 

पुणे, दि.२० जुलै २०२२ (चेकमेट टाईम्स): कोणतेही स्वप्न पूर्ण करण्यासाठी प्रचंड इच्छाशक्ती आणि जिद्दीला आपल्या प्रामाणिक कष्टाची जोड दिल्यास आकाशालाही गवसणी घालता येते. याचाच प्रत्यय नुकताच धनकवडीतील प्रियांका चंदनशिव या विद्यार्थिनीने आपल्या कर्तृत्वाने दाखवून दिला आहे. घरची परिस्थिती नाजूक असताना देखील आपल्या जिद्दीला अभ्यासाची जोड देत संपूर्ण देशात अवघड समजल्या जाणाऱ्या सीए (सनदी लेखापाल) ची परीक्षा पहिल्याच प्रयत्नात उतीर्ण होण्याची किमया केली आहे. त्यामुळे तिच्यावर विविध स्तरातून शुभेच्छांचा वर्षाव होत आहे.

मूळचे भोर तालुक्यातील किवत या गावचे रहिवासी असलेले गुलाब चंदनशिव हे परिवाराच्या उदरनिर्वाहासाठी पुण्यात आले. व धनकवडीत स्थायिक झाले. त्यासोबतच त्यांनी उपजीविकेचे साधन म्हणून रिक्षा व्यवसाय निवडला. त्यातून होणाऱ्या अर्थप्राप्तीवरच आजही ते आपला परिवार चालवत आहेत. पत्नी, दोन मुली आणि एक मुलगा असा त्यांचा परिवार आहे. प्रियांका ही त्यांची लहान मुलगी.

तिचे प्राथमिक शिक्षण धनकवडीतील बालविकास शाळेत तर माध्यमिक व उच्च माध्यमिक शिक्षण भोर येथील राजा रघुनाथराव विद्यालयात मराठी माध्यमातून झाले. स्वत: सुशिक्षित असलेल्या गुलाब चंदनशिव यांनी आपल्या नाजूक परिस्थितीची सबब न सांगता परिवाराच्या उदरनिर्वाहासोबतच मुलांचा शिक्षणाकडे विशेष लक्ष दिले. त्यामुळेच मोठी मुलगी इंजिनिअर आणि लहान मुलगी सीए (सनदी लेखापाल) झाली असून मुलगा महाविद्यालयीन शिक्षण घेत आहे.

पहिल्यापासूनच अभ्यासात हुशार असणाऱ्या प्रियांकाला सीए होण्याची मनोमन इच्छा होती. तेच उद्दिष्ट डोळ्यासमोर ठेवून रोज आठ ते दहा तास अभ्यासाचे योग्य नियोजन करून तिने हे अभूतपूर्व यश संपादन केले आहे.

यावेळी प्रियांकाने सांगितले की, “मला हे यश मिळविण्यासाठी माझे आई, वडील आणि कुटुंबीयांकडून नेहमीच सकारात्मक पाठिंबा मिळाला. तर सर्व शिक्षक आणि मित्र परिवाराकडून योग्य असे मार्गदर्शन मिळाले. त्यांचे मी आभार व्यक्त करते. या सर्वांमुळेच मी पहिल्या प्रयत्नामध्ये एवढी अवघड परीक्षा उत्तीर्ण झाले.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा:https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84