पुण्यातील क्रीडा शिक्षकाने वेगळाच खेळ मांडला आणि गुन्हा दाखल झाला

 

पुणे दि. ११ जुलै २०२२ (चेकमेट टाईम्स) : राज्यात दिवसेंदिवस अत्याचाराच्या घटना समोर येत आहेत. त्यातच पुण्यातुन एक धक्कादायक बातमी समोर आली आहे. शिक्षक आणि विद्यार्थ्याचे नाते हे पवित्र नाते असते. मात्र, या नात्याला एका शिक्षकाने काळिमा फासल्याचा प्रकार समोर आला. ही घटना 29 जून ते 5 जुलैदरम्यान महात्मा फुले पेठेतील एका शाळेत घडली आहे. याप्रकरणी खडक पोलिसांनी कारवाई करत आरोपी शिक्षकाला ताब्यात घेतले आहे.

महापालिकेच्या शाळेत पीटी क्लास घेण्यासाठी कंत्राटी पद्धतीने एक शिक्षक नेमण्यात आले होते. या नेमलेल्या शिक्षकानेच अनेक अल्पवयीन मुलींची लैंगिक छळवणूक केल्याचा धक्कादायक प्रकार समोर आला आहे. मोहंमद कय्युम अन्सारी (वय 18, रा. कोंढवा खुर्द), असे आरोपी शिक्षकाचे नाव आहे. याप्रकरणी खडक पोलिसांनी त्याला अटक केली आहे.

याबाबत शाळेच्या मुख्याध्यापकाने खडक पोलीस ठाण्यात फिर्याद दिली आहे. त्यानुसार मिळालेली माहिती अशी की, महापालिकेच्या एका शाळेत मोहंमद अन्सारी याला कंत्राटी पद्धतीने पीटी क्लास घेण्यासाठी नेमण्यात आले होते. मात्र, विद्यार्थिनींसोबत या ठिकाणी धक्कादायक प्रकार घडला. आरोपी शाळेतील 12 ते 16 वर्षाच्या मुलींना पीटी शिकवताना वाईट हेतूने तो खांद्यावर, छातीवर, मांडीवर स्पर्श करायचा. तसेच अश्लील भाषा वापरून, घाणेरड्या नजरेने पाहून मुलींची वेळोवेळी लैंगिक छळवणूक करायचा.

आरोपीने मुलींचा लैंगिक छळ केल्यानंतर कोणाकडे तक्रार करायची तर करा; मी कोणाला घाबरत नाही, अशी धमकीही मुलींना त्याने अनेकदा दिली होती. अखेर या मुलींनी मुख्याध्यापकांकडे या संपूर्ण प्रकाराबाबत आरोपीची तक्रार केली. यानंतर मुख्याध्यापकांनीही या प्रकरणाची गंभीर दखल घेतली.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा: https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84