शिवसेनेतून आऊटगोइंग सुरूच; पुणे जिल्हाप्रमुख रमेश कोंडे एकनाथ शिंदें गटात

 

पुणे, दि.२० जुलै २०२२ (चेकमेट टाईम्स): शिवसेना पुणे जिल्हाप्रमुख रमेश कोंडे एकनाथ शिंदे गटाच्या वाटेवर असल्याची माहिती समोर आली आहे.सेनेत रमेश कोंडे यांच्या कडे सध्या बारामती लोकसभा मतदारसंघाची जबाबदारी आहे. सोमवारी सकाळी एक हजार कार्यकर्त्यांसह रमेश कोंडे मुंबईला रवाना झाले आहेत. सायंकाळी ते शिंदे यांची भेट घेत आपला पाठिंबा जाहीर करणार आहेत.

राज्यातील सत्तांतर नाट्याचे पडसाद पुणे जिल्ह्यात ही उमटू लागले असून शहरातील शिवसेनेचे माजी नगरसेवक नाना भानगिरे यांनी काही दिवसांपूर्वी एकनाथ शिंदे यांच्या गटात प्रवेश केला होता. भानगिरे हडपसरमधील शिवसेनेचे माजी नगरसेवक आहेत. त्यांच्यामुळे शिंदे गटाला आता पुणे महापालिकेत एक शिलेदार मिळाला आहे. ते दुसऱ्यांदा निवडून आले आहेत. तर रमेश कोंडे हे जिल्ह्यातील दुसरे शिलेदार असतील.

२०१९ ला रमेश कोंडे यांनी खडकवासला मतदारसंघातून शिवसेनेकडून उमेदवारी मिळावी म्हणून मोठी तयारी केली होती. मात्र, भाजपने हा मतदारसंघ शिवसेनेला न दिल्याने कोंडे यांच्या पदरी निराशा पडली होती. दरम्यान कोंडे हे १९९५ पासून शिवसेनेत आहेत. खेड शिवापुरचे सरपंच, हवेली तालुका प्रमुख, जिल्हा परिषद सदस्य, जिल्हा नियोजन समितीचे सदस्य, जिल्हाप्रमुख अशा पदावर त्यांनी काम केले आहे.

यावेळी चेकमेट टाईम्स'शी बोलताना कोंडे म्हणाले, मी कोणत्याही पदाधिकाऱ्यांना आग्रह करणार नाही. माझा मित्र परिवार माझ्या सोबत असेल असे सांगत त्यांनी एकनाथ शिंदे गटात सहभागी होण्याचे संकेत दिले आहेत.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा:https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84