पुण्यात 'एवढ्या' शाळांमध्ये मुख्याध्यापकांचा तुटवडा; विद्यार्थ्यांचे होते आहे शैक्षणिक नुकसान

 

पुणे दि. 0९  जुलै २०२२ (चेकमेट टाईम्स) : पुणे महापालिका शिक्षण विभागाकडून  गेल्या वर्षभरापासून विभागीय मुख्याध्यापक बढती (डीपीसी) बैठक घेण्यात आली नाही. त्यामुळे शहरातील सहा मराठी आणि दोन उर्दू माध्यमिक शाळांना  पूर्ण वेळ मुख्याध्यापक मिळालेला नाही. शाळांतील रिक्त मुख्याध्यापकांचा भार प्रभारी शिक्षकांकडे देण्यात आला असला, तरी मुख्याध्यापकांबाबत ठोस निर्णय होत नसल्याने विद्यार्थ्यांचे शैक्षणिक नुकसान होत असल्याचा दावा शिक्षकांकडून व्यक्त होत आहे. वेळेवर मुख्याध्यापक पदोन्नती करावे, अशी मागणी जोर धरत आहे.

पुणे महापालिकेच्या शहरात ४६ माध्यमिक शाळा आहेत. यामध्ये २८ विनाअनुदानित आणि १८ अनुदानित शाळा असून, चार उर्दू शाळांचा समावेश आहे. महापालिका शिक्षण विभागाकडून अनुदानित शाळांमध्ये मुख्याध्यापकांची नियुक्त्या केल्या जातात. शिक्षण सेवा समाप्त झाल्याने शहरातील सहा शाळांमध्ये मागील काही काळापासून मुख्याध्यापकांची पदे रिक्त झाली आहे. त्यामुळे संबधित शाळांतील जेष्ठ शिक्षकांकडे प्रभारी मुख्याध्यापकांचा पदभार सोपविण्यात आला आहे. पुणे शहरात पालिकेच्या महात्मा फुले विद्यालय (हडपसर),यशवंतराव चव्हाण विद्यालय, (बिबबेवाडी), शांताबाई ढोले पाटील विद्यालय (पुणे स्टेशन), नेताजी सुभाषचंद्र बोस विद्यालय, कर्मवीर भाऊराव पाटील विद्यानिकेतन (येरवडा) आणि गेनबा सोपानराव मोझे विद्यालय, विद्यनागर या सहा शाळांत मुख्याध्यापक पदे रिक्त आहेत.

महापालिका अतिरिक्त आयुक्तांच्या आदेशाने शाळांतील मुख्याध्यापकांचे पदोन्नतीचे आदेश काढले जातात. गेल्या वर्षी सप्टेंबर महिन्यात ‘डीपीसी’ची बैठक झाली होती. त्या वेळी सात शिक्षकांना मुख्याध्यापकपदी पदोन्नती देण्यात आली होती. यादरम्यानच्या काळात अनेक शाळांतील मुख्याध्यापक सेवानिवृत्त झाल्याने पदे रिक्त झाली आहेत. त्यामुळे पालिकेकडून ‘डीपीसी’ची बैठक घेऊन मुख्याध्यापकांच्या नियुक्त्या होणे अपेक्षित होते; पण मागील दोन बैठका वेगवेगळ्या कारणामुळे रद्द झाल्याने नियुक्त्या होऊ शकल्या नाही. त्यामुळे सेवा जेष्ठतानुसार मुख्याध्यापक पदी बढती होणारे शिक्षक बैठकीकडे डोळे लावून बसले आहेत.

शहरातील सहा शाळांना पूर्ण वेळ मुख्याध्यापक नसल्याने शिक्षक आणि कर्मचाऱ्यांवर वचक नाही. प्रभारी शिक्षक काही काळापुरता पदावर असून नंतर पायउतार होणार असल्याने कोणीही विरोधात आदेश काढून शिक्षकांची नाराजी ओढवून घेण्यास तयार नसतात. शाळासाठी ठोस धोरणात्मक निर्णय घेण्यास मर्यादा असल्याने विद्यार्थ्यांचे शैक्षणिक नुकसान होत असल्याचा दावा शिक्षकांनी केला आहे. त्यामुळे शिक्षण विभागाने तातडीने रिक्त मुख्याध्यापक पदे भरण्याची मागणी शिक्षकांकडून केली जात आहे.

“मागील वर्षी सप्टेंबर महिन्यात विभागीय मुख्याध्यापक बढतीची (डीपीसी) बैठक पार पडली होती.त्यानंतर दोन वेळा काही कारणामुळे मुख्याध्यापक पदोन्नतीचे बैठक रद्द झाल्या .शहरातील अनुदानित सहा मराठी आणि दोन उर्दू शाळांत मुख्याध्यापकांची पदे रिक्त आहेत. येत्या काही दिवसांत अतिरिक्त आयुक्तांकडे बैठक घेऊन मुख्याध्यापक नियुक्तीचे आदेश काढले जातील अशी प्रतिक्रिया शिक्षणाधिकारी पोपट काळे यांनी दिली.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा: https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84