सकाळच्या सहा वाजताच कोयते हवेत फिरवत दहशत निर्माण करणारे ५ जण गजाआड

 

पुणे, दि. 4 जानेवारी 2023 (चेकमेट टाईम्स): कोयता गँगमधील गुन्हेगारांना पोलिसांनी बेदम चोप दिल्याच्या घटनेनंतर शहरात पुन्हा कोयते हातात घेऊन दहशत माजविण्याचा प्रकार सुरूच आहे. दुचाकीवर आलेल्या गुन्हेगारांनी कोयते हवेत फिरवत नागरिकांमध्ये दहशत माजविण्याची घटना नाना पेठेत घडली.

 

सहायक आयुक्त सतीश गोवेकर यांनी दिलेल्या माहितीनुसार, एक जानेवारीला पहाटे दोन गटांमध्ये भांडणे झाली होती. त्याचा राग मनात धरून सकाळी सहाच्या सुमारास नाना पेठ परिसरात दहाजण दुचाकींवर आले. त्यांनी कोयते हवेत फिरवून नागरिकांमध्ये भीती निर्माण करण्याचा प्रयत्न केला.

 

यानंतर पोलिसांनी सीसीटीव्हीच्या आधारे तपास करून पाचजणांना अटक केली. न्यायालयाने त्यांना मंगळवारी तीन दिवसांची पोलीस कोठडी सुनावली. या आरोपींचा कोयता गॅंगशी संबंध नसल्याचे पोलिसांनी सांगितले.

 

या संदर्भात पोलीस ठाणे अंमलदार हेमंत पेरणे यांनी फिर्याद दिली आहे. त्यावरून समर्थ पोलीस ठाण्यात दहा जणांवर गुन्हा दाखल करण्यात आला आहे. याप्रकरणी समर्थ पोलिसांनी पाच जणांना अटक केली आहे. गगनदीप मिशन (वय १९), अमन खान (वय २२, दोघे रा. नाना पेठ), अरसलन तांबोळी (वय २७), मंगेश चव्हाण (वय २४) आणि गणेश पवार (वय २७, तिघे रा. रविवार पेठ) अशी अटकेतील संशयितांची नावे आहेत. अन्य पाचजण फरार असून, पोलीस त्यांचा शोध घेत आहेत.

 

कोणत्याही गुन्हेगारांची गय केली जाणार नाही. कठोर कारवाई करण्यात येईल. गुन्हेगारांच्या दहशतीबद्दल नागरिकांनी न घाबरता पोलिसांना माहिती द्यावी, असे आवाहन पोलीस आयुक्त रितेश कुमार आणि सह आयुक्त संदीप कर्णिक यांनी केले आहे. वरिष्ठ निरीक्षक रमेश साठे आणि उपनिरीक्षक सौरभ माने याबाबतचा पुढील तपास करीत आहेत.

 

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा !

 

आम्हाला वेबपोर्टल’वर फॉलो करा: https://www.checkmatetimes.com

आम्हाला फेसबुक’वर फॉलो करा: https://www.facebook.com/checkmatetimes     

आमचे युट्युब सबस्क्राईब करा: https://www.youtube.com/c/CheckmateTimes  

आम्हाला इंस्टाग्राम’वर फॉलो करा: https://www.instagram.com/checkmate_times/  

आम्हाला ट्विटर’’वर फॉलो करा: https://twitter.com/checkmate_times  

आम्हाला डेली हंट’’वर फॉलो करा: https://m.dailyhunt.in/profile/CheckmateTimes  

आमचे टेलिग्राम सबस्क्राईब करा: https://t.me/CheckmateTimes  

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n  

आम्हाला मोज’’वर फॉलो करा: https://mojapp.in/@checkmatetimes     

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84