खंडणीखोरांच्या टोळीने पुण्याच्या मार्केटयार्डातून ४ व्यापाऱ्यांचे केले अपहरण

 

पुणे, दि. 14 जानेवारी 2023 (चेकमेट टाईम्स): मुंबईतील एका बांधकाम व्यावसायिकासह तिघांचे 50 लाखांच्या खंडणीसाठी पुण्यातून अपहरण करणाऱ्या तीन आरोपींना गुन्हे शाखेने अहमदनगर पोलिसांच्या मदतीने जेरबंद केले. याबाबत मार्केट यार्ड पोलीस ठाण्यात गुन्हा दाखल करण्यात आला आहे.

 

तसेच, अन्य 5 ते 6 जण अद्याप फरार असून, गुन्हे शाखेच्या पोलिसांकडून त्यांचा शोध सुरू आहे. विशाल बबनराव मदने (वय 32, रा. वांगदरी, श्रीगोंदा), विजय लक्ष्मण खराडे (वय 38, रा. श्रीगोंदा), प्रवीण रंगनाथ शिर्के (वय 38, रा. श्रीगोंदा, जि. अहमदनगर) अशी गुन्हा दाखल केलेल्यांची नावे आहेत. शिर्के आणि मदने या दोघांवर यापूर्वीही गुन्हे दाखल आहेत.

 

मिळालेल्या माहितीनुसार, काही अज्ञात लोकांनी मुंबईतील साकीनाका येथील एका 23 वर्षीय बांधकाम व्यावसायिकासह तिघांचे अपहरण करुन त्यांच्या सुटकेसाठी 50 लाख रुपये खंडणीची मागणी केली. याबाबत मार्केटयार्डच्या वरिष्ठ पोलीस निरीक्षकांनी गुन्हे शाखेशी संपर्क साधून माहिती दिली.

 

अपहरण केलेल्यांना मारहाण करण्यात येत असून, खंडणी न दिल्यास जीवे मारून टाकण्यात येईल, अशी धमकीही आरोपींनी दिल्याची तक्रार ठेकेदाराच्या भावाने मार्केटयार्ड पोलीस ठाण्यात दिली होती.

 

त्यावर गुन्हे शाखेकडून घटनेचे गांभीर्य लक्षात घेत 14 पथके तयार करण्यात आली. सीसीटीव्ही तपासून आणि तांत्रिक विश्लेषण करून आरोपींच्या शोधासाठी पथके रवाना करण्यात आली. गुन्हे शाखेच्या वरिष्ठ अधिकाऱ्यांनी आरोपी पुणे ग्रामीण आणि अहमदनगर जिल्ह्यात असल्याचे समोर आल्यानंतर तेथील पोलिसांशी संपर्क साधला.

 

अखेर गुन्हे शाखेने अहमदनगर स्थानिक गुन्हे शाखेच्या पोलिसांच्या मदतीने श्रीगोंदा काष्टी (जि. अहमदनगर) येथून संशयित आरोपींना अहमदनगर येथील एका लॉजवरुन ताब्यात घेण्यात आले आहे. तसेच अपहरण केलेल्या ठेकेदाराची सुटकाही करण्यात आली. तर, अन्य 5 ते 6 आरोपी पसार झाले असून, त्यांचा शोध घेण्यात येत आहे. आरोपींच्या ताब्यातून दोन आलिशान वाहनेही जप्त करण्यात आली आहेत.

 

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा: https://www.checkmatetimes.com     

आम्हाला फेसबुक’वर फॉलो करा: https://www.facebook.com/checkmatetimes     

आमचे युट्युब सबस्क्राईब करा: https://www.youtube.com/c/CheckmateTimes   

आम्हाला इंस्टाग्राम’वर फॉलो करा: https://www.instagram.com/checkmate_times/   

आम्हाला ट्विटर’’वर फॉलो करा: https://twitter.com/checkmate_times  

आम्हाला डेली हंट’’वर फॉलो करा: https://m.dailyhunt.in/profile/CheckmateTimes   

आमचे टेलिग्राम सबस्क्राईब करा: https://t.me/CheckmateTimes  

आम्हाला शेअर चॅट’’वर फॉलो करा:https://sharechat.com/profile/checkmatetimes?d=n   

आम्हाला मोज’’वर फॉलो करा: https://mojapp.in/@checkmatetimes      

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84