‘श्री क्षेत्र रांजणगाव गणपती देवस्थान ट्रस्ट’च्या नवीन विश्वस्त मंडळाची निवड प्रक्रिया जाहीर

 

पुणे, दि. 14 जानेवारी 2023 (चेकमेट टाईम्स): अष्टविनायकांपैकी एक असलेल्या ‘श्री क्षेत्र रांजणगाव गणपती देवस्थान ट्रस्ट’च्या नवीन विश्वस्त मंडळाची निवड प्रक्रिया जाहीर झाली असून, पुणे सत्र न्यायालयाने मुलाखतींद्वारे पाच विश्वस्त नव्याने नियुक्त केले आहेत.

 

या नूतन विश्वस्त मंडळाचा कार्यकाळ पुढील पाच वर्षांसाठी आहे. देवस्थानच्या कार्यालयात नवीन विश्वस्त मंडळाने पदभार स्वीकारला. त्यावेळी रांजणगाव आणि परिसरातील विविध संस्था-संघटनांच्या प्रतिनिधींनी त्यांचे अभिनंदन केले.

 

श्री क्षेत्र रांजणगाव गणपती देवस्थान ट्रस्टच्या विश्वस्तांची मुलाखतीद्वारे नियुक्ती सत्र न्यायालयामार्फत केली जाते. देव घराण्यातील दोन प्रतिनिधी, दोन स्थानिक व एक जिल्हा परिसरातील, असे 5 प्रतिनिधी विश्वस्त मंडळावर घेतले जातात.

 

कोरोना काळात जुन्या विश्वस्त मंडळाची मुदत संपली होती. परंतु, त्या कालावधीत निवड प्रक्रिया न झाल्याने जुन्या विश्वस्तांना मोठी मुदतवाढ मिळाली होती त्यामुळे रांजणगाव देवस्थान ट्रस्टच्या विश्वस्तपदासाठी यावेळी अनेकजण इच्छुक असल्याने मोठी स्पर्धा निर्माण झाली होती. जिल्हा सत्र न्यायालयाने मुलाखतींसाठी तीन न्यायाधीशांचे पॅनेल तयार केले होते. त्यामार्फत तब्बल 395 इच्छुकांच्या मुलाखती घेण्यात आल्या. त्यामधून गुरुवारी (ता. 12 जानेवारी 2023) नवीन विश्वस्तांच्या निवडी जाहीर करण्यात आल्या.

 

त्यानुसार, देव घराण्यातील ओमकार नितीन देव व विजय काशिनाथ देव यांची; तर स्थानिक प्रतिनिधी म्हणून माजी जिल्हा परिषदेच्या सदस्य स्वाती दत्तात्रेय पाचुंदकर व उद्योजक तुषार बाळासाहेब पाचुंदकर आणि जिल्ह्यातील प्रतिनिधी म्हणून कन्हेरसर (ता. खेड) येथील संदीप तुकाराम दौंडकर यांची विश्वस्त मंडळावर नियुक्ती केली.

 

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा: https://www.checkmatetimes.com     

आम्हाला फेसबुक’वर फॉलो करा: https://www.facebook.com/checkmatetimes     

आमचे युट्युब सबस्क्राईब करा: https://www.youtube.com/c/CheckmateTimes   

आम्हाला इंस्टाग्राम’वर फॉलो करा: https://www.instagram.com/checkmate_times/   

आम्हाला ट्विटर’’वर फॉलो करा: https://twitter.com/checkmate_times  

आम्हाला डेली हंट’’वर फॉलो करा: https://m.dailyhunt.in/profile/CheckmateTimes   

आमचे टेलिग्राम सबस्क्राईब करा: https://t.me/CheckmateTimes  

आम्हाला शेअर चॅट’’वर फॉलो करा:https://sharechat.com/profile/checkmatetimes?d=n   

आम्हाला मोज’’वर फॉलो करा: https://mojapp.in/@checkmatetimes      

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84