पुणे, दि.
31 जानेवारी 2023 (चेकमेट टाईम्स): बारामतीहून
मुंबईला जाणाऱ्या प्रवाशांच्या सोयीसाठी पुण्याहून सुटणाऱ्या डेक्कन (deccan express) किंवा
प्रगती एक्स्प्रेसपैकी (pragati express) एक रेल्वेगाडी
बारामतीहून सोडावी, अशी मागणी खासदार सुप्रिया सुळे
(MP Supriya Sule) यांनी पुणे विभागीय रेल्वे प्रशासनाकडे केली.
रेल्वेच्या
पुणे विभागीय व्यवस्थापक रेणू दुबे (Pune Divisional Manager of
Railways Renu Dubey) यांच्यासोबत झालेल्या बैठकीत सुळे यांनी ही
मागणी केली. राष्ट्रवादी काँग्रेसचे (NCP) पदाधिकारी यावेळी
उपस्थित होते. बारामती परिसरात उद्योग व्यवसाय शिक्षणाच्या निमित्ताने दररोज हजारो
कामगार, विद्यार्थी व नागरिक येत असतात. बारामती एमआयडीसीतही
(Baramati MIDC) अनेक कामगार काम करत आहेत. यामध्ये दिवसेंदिवस वाढ
होत आहे. त्याचप्रमाणे बारामतीहून मुंबईला आणि मुंबईहून बारामतीला नियमित प्रवास
करणाऱ्या व्यावसायिकांची संख्याही मोठी आहे. या प्रवासासाठी केवळ एस टी बसची सेवा
खर्चिक आणि वेळखाऊ असल्याने प्रवाशांची गैरसोय होत आहे. त्यामुळे बारामती ते मुंबई
थेट रेल्वेसेवा सुरू करावी, अशी मागणी त्यांनी केली.
प्रगती
आणि डेक्कन एक्सप्रेस सध्या पुण्यातून सुटतात. या गाड्या सुटण्याची वेळ पहाटे आणि
सकाळी एकदमच लवकर आहे. परिणामी बारामतीहून मुंबईला जाणाऱ्या प्रवाशांना या गाड्या
बहुतांश वेळा सापडतच नाहीत. बारामतीहून एसटी किंवा अन्य वाहनाने पुण्यात येणे आणि
इथून त्या गाड्या पकडणे त्यांना शक्य होत नाही. परिणामी एका दिवसात होणाऱ्या
कामासाठी अनेकांना किमान दोन दिवस द्यावे लागतात, किंवा थेट
एसटी ने जाऊन खर्चिक प्रवास करावा लागतो.
ही बाब
लक्षात घेता प्रगती किंवा डेक्कन एक्स्प्रेस पुण्याऐवजी बारामतीहून पहाटे पाच
वाजता सोडली, तर ती गाडी पुण्यात तिच्या नियोजित
वेळी येईल आणि बारामती परिसरातील प्रवाशांचाही वेळ आणि खर्च वाचेल, असा पर्याय खासदार सुप्रिया सुळे यांनी आज रेणू दुबे यांच्यासमोर रेल्वे
खात्याला दिला. त्या म्हणाल्या,”बारामतीहून पहाटे पाचच्या
दरम्यान दोन पैकी एक गाडी सोडल्यास ती पुण्यात सकाळी सात वाजता पोहोचेल व तेथून
मुंबईकडे रवाना होईल तसेच मुंबईहून परतताना तीच गाडी बारामतीकडे मुक्कामी आल्यास
अनेकांना सुरक्षित प्रवास करता येणार आहे. त्यामुळे वेळ देखील वाचणार असल्याने ही
सेवा लाभदायक ठरेल.”
वरील वृत्त खाली लिंक जोडलेल्या आमच्या सर्व
सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा.
याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या
आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! आम्हाला खाली
देण्यात आलेल्या सोशल मिडिया प्लॅटफॉर्म’वर फॉलो करा...!
आम्हाला वेबपोर्टल’वर फॉलो करा: https://www.checkmatetimes.com
आम्हाला फेसबुक’वर फॉलो करा: https://www.facebook.com/checkmatetimes
आमचे युट्युब सबस्क्राईब करा: https://www.youtube.com/c/CheckmateTimes
आम्हाला इंस्टाग्राम’वर फॉलो करा: https://www.instagram.com/checkmate_times/
आम्हाला ट्विटर’’वर फॉलो करा: https://twitter.com/checkmate_times
आम्हाला डेली हंट’’वर फॉलो करा: https://m.dailyhunt.in/profile/CheckmateTimes
आमचे टेलिग्राम सबस्क्राईब करा: https://t.me/CheckmateTimes
आम्हाला शेअर चॅट’’वर फॉलो करा:https://sharechat.com/profile/checkmatetimes?d=n
आम्हाला मोज’’वर फॉलो करा: https://mojapp.in/@checkmatetimes
आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84
