पुणे, दि. 25 जानेवारी 2023 (चेकमेट टाईम्स): श्रीगणेशा पाळणा हलके हलके जोजवा... पाळण्याचा
मधोमध याला ग निजवा... अशा मंगल स्वरांत पाळणा म्हणत पारंपरिक वेशातील महिलांनी
गणरायाची (ganpati) मनोभावे
प्रार्थना केली. स्वस्तिक, ओम यांसारखी शुभचिन्हे आणि
गजमुखाच्या नक्षींनी सजलेल्या सुवर्णपाळण्यात यंदा श्रीमंत दगडूशेठ गणपती मंदिरात (shreemant
dagdusheth ganpati mandir) श्री गणेश जन्म सोहळा (ceremony)
दुपारी 12 वाजता शेकडो गणेशभक्तांच्या
उपस्थितीत मोठ्या उत्साहात संपन्न झाला.
श्रीमंत दगडूशेठ हलवाई सार्वजनिक गणपती ट्रस्ट (shreeman dagdusheth halwai ganpati trust) आणि सुवर्णयुग तरुण मंडळच्यावतीने (suvarnayug tarun mitra mandal) गणेश जन्म सोहळा बुधवार पेठेतील (budhwar peth) दगडूशेठ गणपती मंदिरात आयोजित करण्यात आला होता. सोहळ्याला डॉ. कृतार्थ क्षीरसागर, डॉ. रिद्धी क्षीरसागर, केदार गोडसे, प्राजक्ता गोडसे यांच्या हस्ते गणेशजन्माचे पूजन झाले. मंदिरावर केलेली तिरंगी फुलांची आरास व विद्युतरोषणाई (lightings) अशा मनोहारी सजावटीने (decoration) मंदिर परिसर अधिकच खुलला. शेकडो गणेशभक्तांनी बाप्पाचे दर्शन घेत सुख-समृध्दी नांदू दे अशी प्रार्थना (prayer) सर्वांनी श्री चरणी केली.
यावेळी
शारदा गोडसे, मृणालिनी रासने,
ज्योती सूर्यवंशी, तृप्ती चव्हाण, संगीता रासने, ट्रस्टचे महेश सूर्यवंशी, अक्षय गोडसे, अमोल केदारी, सुवर्णयुग
तरुण मंडळाचे अध्यक्ष प्रकाश चव्हाण, यांसह कार्यकर्ते
मोठ्या संख्येने उपस्थित होते. अर्चना भालेराव, डॉ. अनघा
राजवाडे, प्रेरणा देशपांडे, चित्रा
जोशी, रत्ना नामजोशी, मानसी गिजरे
यांसह इतर महिलांनी जन्माचा पाळणा, गणेश गीत व गणपतीचा गजर
केला. जन्माच्या वेळी पुष्पवृष्टी देखील करण्यात आली.
भक्तांनी
दिलेल्या देणगीतून सुवर्णपाळणा (ganapati
golden cradle) साकारण्यात आला. सोनियाचा पाळणा, रेशमाचा दोर ग, मधोमध विसावला,माझा
गणराज ग...असे म्हणत यंदाचा जन्मोत्सव सुवर्णपाळण्यात झाला. पाळण्याकरिता पाच फूट
उंचीचा सागवानी लाकडाचा स्टॅड तयार करण्यात आला असून त्यावर 8.5 किलो चांदी वापरण्यात आली. तसेच त्यावर सोनाचे पॉलिश देखील करण्यात आले
आहे. या स्टँडवर 16 बाय 24 इंचाचा
सोन्याचा पाळणा साकारण्यात आला असून त्याकरिता 2 किलो 280 ग्रॅम सोन्याचा वापर केला आहे.
बुधवारी
पहाटे 4 ते सकाळी 6 यावेळेत पद्मश्री उस्मान खान (usman khan) यांनी
सतारवादनातून श्रीं चरणी स्वराभिषेक अर्पण केला. त्यापूर्वी पहाटे 3 वाजता मंदिरात ब्रह्मणस्पती सूक्त अभिषेक पार पडला. सकाळी 7 वाजता गणेशयाग आणि ३ वाजता सहस्त्रावर्तने झाली.
सायंकाळी
6 वाजता श्रीं ची पालखीतून
नगरप्रदक्षिणा मिरवणूक काढण्यात आली. यामध्ये फुलांनी सजविलेला आकर्षक रथ, बंड आदी सहभागी झाले होते. दगडूशेठ गणपती मंदिरापासून लक्ष्मीबाई दगडूशेठ
हलवाई दत्तमंदिर रामेश्वर चौक - टिळक पुतळा मंडई - कोतवाल चावडी - बेलबाग चौक -
लक्ष्मी रस्ता मार्गे नगरकर तालीम चौक - नू.म.वि. प्रशाला अप्पा बळवंत चौक -
तांबडी जोगेश्वरी मंदिर या मार्गाने गणपती मंदिरात मिरवणुकीचा समारोप झाला. रात्री
10 ते पहाटे 4 वाजेपर्यंत श्री गणेश
जागर आयोजित करण्यात आला होता. गणपती बाप्पाचे दर्शन घेण्यासाठी पुण्यासह
देशभरातून आलेल्या गणेश भक्तांनी मोठ्या प्रमाणात गर्दी केली.
फोटो
ओळ - श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण
मंडळच्यावतीने गणेश जन्म सोहळा बुधवार पेठेतील दगडूशेठ गणपती मंदिरात आयोजित
करण्यात आला होता. स्वस्तिक, ओम यांसारखी शुभचिन्हे आणि गजमुखाच्या नक्षींनी
सजलेल्या सुवर्णपाळण्यात यंदा श्री गणेश जन्म सोहळा दुपारी 12 वाजता उत्साहात पार पडला.
वरील वृत्त खाली लिंक जोडलेल्या आमच्या सर्व
सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा.
याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या
आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! आम्हाला खाली
देण्यात आलेल्या सोशल मिडिया प्लॅटफॉर्म’वर फॉलो करा...!
आम्हाला वेबपोर्टल’वर फॉलो करा: https://www.checkmatetimes.com
आम्हाला फेसबुक’वर फॉलो करा: https://www.facebook.com/checkmatetimes
आमचे युट्युब सबस्क्राईब करा: https://www.youtube.com/c/CheckmateTimes
आम्हाला इंस्टाग्राम’वर फॉलो करा: https://www.instagram.com/checkmate_times/
आम्हाला ट्विटर’’वर फॉलो करा: https://twitter.com/checkmate_times
आम्हाला डेली हंट’’वर फॉलो करा: https://m.dailyhunt.in/profile/CheckmateTimes
आमचे टेलिग्राम सबस्क्राईब करा: https://t.me/CheckmateTimes
आम्हाला शेअर चॅट’’वर फॉलो करा:https://sharechat.com/profile/checkmatetimes?d=n
आम्हाला मोज’’वर फॉलो करा: https://mojapp.in/@checkmatetimes
आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84
