Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news
.webp)
पुणे, दि. 21 जून 2023 (चेकमेट टाईम्स):
महापालिकेत नव्याने समाविष्ट केलेल्या गावांतील नागरिकांना मिळकतकर, समावेश केलेल्या
तारखेपासून दुसऱ्या वर्षीच्या 31 मार्च पर्यंत ग्रामपंचायतीच्या दरानेच आकारावा, अशी मागणी
खासदार सुप्रिया सुळे (MP Supriya Sule) यांनी केली आहे. याबरोबरच या भागातील औद्योगिक क्षेत्र आणि
व्यावसायिक गाळे यांसाठी आकारण्यात येणाऱ्या मिळकत करांसाठी महानगरपालिका अधिनियम 129 अ (1) चा अवलंब
करण्यात यावा, अशी मागणी त्यांनी केली आहे.
महापालिकेत
नव्याने समाविष्ट करण्यात आलेल्या बारामती लोकसभा (Baramati Lok Sabha) मतदार संघातील वारजे, धायरी, वडगाव, खडकवासला आदी
गावांतील नागरिकांची ही मागणी असून अनेक वेगवेगळ्या मुद्द्यांवर याबाबत उहापोह
करण्यात आला आहे. या आशयाचे पत्र खासदार सुळे यांनी महापालिका आयुक्त विक्रम कुमार (Municipal Commissioner Vikram Kumar) यांना लिहिले आहे.
खासदार सुळे
यांच्या सुचनेनुसार राष्ट्रवादी काँग्रेसचे स्थानिक लोकप्रतिनिधी माजी नगरसेवक
सचिन दोडके, बाबा धुमाळ, अतुल दांगट, विकास दांगट, अविनाश जोगदंड, संजय धावडे, अतुल धावडे, राहुल दांगट, चंद्रशेखर मोरे, सुरेंद्र कामठे सचिन देशमुख, चेतन दांगट, सौरभ दांगट, सागर दांगट
आदींनी अतिरिक्त महापालिका आयुक्त कुणाल खेमनार यांच्यासोबत बैठक घेऊन विषयावर
सविस्तर चर्चा केली.
महापालिकेत गाव
समाविष्ट झाल्यापासून त्यांनतर पुढील दर वर्षी मार्च महिन्यापासून सर्वसाधारण कर व
इतर सेवा कर यांच्या एकत्रित बेरजेतून ग्रामपंचायतीच्या सर्वसाधारण करातील उर्वरित
रकमेच्या 20 टक्के वाढीसह कर आकारणी करण्यात आली आहे. असे न करता महाराष्ट्र महागरपालिका
अधिनियम नियम 129 अ (1) अन्वये समाविष्ट
गावात, समावेश
करण्याच्या तारखेपासून, त्या वर्षीनंतरच्या दुसऱ्या वर्षाच्या 31 मार्च पर्यंत
ग्रामपंचायत दरानेच कर आकारणी करण्यात यावी व त्यानंतरच्या पुढील वर्षापासून
महानगरपालिकेच्या दराने कर आकारण्यात यावा, अशी मागणी यावेळी करण्यात आली.
खासदार सुळे
यांनी पत्रात नमूद केलेले मुद्दे
“ज्या सालचे घर, त्या सालचा दर” या दराने महापालिके मार्फत कर आकारणी केली
गेल्याचे दिसून येत आहे. त्यास अनुसरून पूर्वीपासून महापालिकेत असणारे क्षेत्र व
नव्याने समाविष्ट गावे या दोन्ही ठिकाणी आकारल्या जाणाऱ्या कराकरिता एकच निकष
लावण्यात आलेला आहे. वास्तविक 1997 साली समाविष्ट झालेली गावे व 2017 साली समाविष्ट
झालेली गावे यांत तब्बल 20 वर्षाचा फरक आहे. वार्षिक करपात्र रक्कम
ठरविताना त्या ठिकाणी भाडे किती मिळते, याचा विचार करून त्या ठिकाणचे दर हे नव्याने
करणे आवश्यक आहे.
समाविष्ट गावांत
मोठ्या प्रमाणात औद्योगिक क्षेत्र आहे. त्यासाठी उभारण्यात आलेल्या शेडचा
ग्रामपंचायत मध्ये असतानाचा कर व महापालिकेत आल्यानंतरचा कर हा साधारणत: 10 पटीने वाढलेला
दिसून येत आहे. तरी वार्षिक करपात्र रक्कम ठरविताना या ठिकाणी भाडे किती मिळते
याचा विचार होऊन त्यानुसार कर आकारणीमध्ये बदल करण्यात यावेत.
समाविष्ट
गावांतील औद्योगिक क्षेत्राची ग्रामपंचायत नमुना नं. 8 ला नोंद दगड
वीट बांधकाम अशी आहे. महानगरपालिकेकडे झोपडी, साधे बांधकाम, पत्रा शेड, लोडबेअरिंग व आरसीसी या प्रमाणे वर्गीकरण नसून, पत्रा शेडसाठी
लोड बेअरिंगच्या दराने कर आकारणी केली जात आहे. त्या कर आकारणीमध्ये बदल करण्यात
यावेत.
समाविष्ट
गावांमध्ये मोठ्या प्रमाणात रहिवासी इमारती आहेत. या रहिवासी फ्लॅट व दुकानांची
ग्रामपंचायत नमुना नं. 8 वर विक्रीयोग्य प्रतीनुसार क्षेत्र नमूद
करण्यात आले आहे. पुणे महापालिकेचा कर हा कारपेट क्षेत्रावर आकारला जातो.
विक्रीयोग्य क्षेत्रातून महापालिकेमार्फत 10 टक्के क्षेत्र वजा केले जाते. परंतु
महापालिकेमार्फत सामाविष्ट गावातून केल्या गेलेल्या सर्वेनुसार आलेल्या अहवालात 20 ते 25 टक्के अधिक
क्षेत्र वजा करावे असे सांगितले आहे. तरी या मिळकतीचे क्षेत्र कारपेट नुसार
आकारण्याकरिता अजून 20 ते 25 टक्के क्षेत्रफळाची कपात करण्यात यावी.
वरील वृत्त खाली लिंक
जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल
तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता.
आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून
आम्हाला tag करा. खाली देण्यात आलेल्या सोशल मिडिया
प्लॅटफॉर्म’वर फॉलो करा...!
आम्हाला गुगल न्यूज’वर फॉलो करा: https://news.google.com/s/CBIw3PaDon8?sceid=IN:mr&sceid=IN:mr&sceid=IN:mr&r=0&oc=1
आम्हाला वेबपोर्टल’वर फॉलो करा: https://www.checkmatetimes.com/
आम्हाला फेसबुक’वर फॉलो करा: https://www.facebook.com/checkmatetimes
आमचे युट्युब सबस्क्राईब
करा: https://www.youtube.com/c/CheckmateTimes
आम्हाला इंस्टाग्राम’वर फॉलो करा: https://www.instagram.com/checkmate_times/
आम्हाला ट्विटर’’वर फॉलो करा: https://twitter.com/checkmate_times
आम्हाला डेली हंट’’वर फॉलो करा: https://m.dailyhunt.in/profile/CheckmateTimes
आमचे टेलिग्राम
सबस्क्राईब करा: https://t.me/CheckmateTimes
आम्हाला शेअर चॅट’’वर फॉलो करा: https://sharechat.com/profile/checkmatetimes?d=n
आम्हाला मोज’’वर फॉलो करा: https://mojapp.in/@checkmatetimes
आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84
.webp)
