कोथरूड विधानसभेच्या मैदानातून ९ जणांची माघार; १२ उमेदवार लढणार

Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha

 

 

पुणे, दि.४ ऑक्टोबर २०२४ (Checkmate Times): कोथरूड विधानसभा निवडणुकीच्या मैदानातून तब्बल ९ जणांनी माघार घेतली असून १२ उमेदवार या निवडणुकीला सामोरे जाणार आहेत. ४ लाख ४० हजार ५५७ मतदार असलेल्या या मतदार संघात पुरुष मतदारांची संख्या २ लाख २८ हजार ७९५ आहे, तर महिला मतदार २ लाख ११ हजार ७४० आहेत, त्याचबरोबर २२ तृतीयपंथी मतदार असणार आहेत. या सर्वांना मतदान करण्यासाठी ३९ मतदान केंद्राची व्यवस्था करण्यात आली आहे.

 

आज अर्ज माघारी घेण्याच्या दिवशी बाबुराव दत्तोबा चांदेरे, अनिल पांडुरंग चव्हाण, सोनाली उमेश ससाणे, अमेय मधुकर जोशी, प्रकाश किसन बालवडकर, भूषण रामचंद्र शिर्के, मुरलीधर पद्माकर ज्वारी, विजय किसन बराटे आणि अॅड. योगेश श्रीकांत मोकाटे या ९ उमेदवारांनी आपले उमेदवारी अर्ज माघारी घेतले आहेत. तर अॅड. किशोर नाना शिंदे, चंद्रकांत (दादा) बच्चू पाटील, चंद्रकांत बलभीम मोकाटे, इंजि. महेश दशरथ म्हस्के, प्रकाश मारुती दहिभाते, योगेश राजापूरकर, किरण लक्ष्मण रायकर, गजरमल सुहास पोपट, डाकले विजय (बाप्पू) तुकाराम, विराज दत्ताराम डाकवे, सचिन दत्तात्रय धनकुडे आणि सागर संभाजी पोरे हे १२ उमेदवार निवडणुकीच्या रिंगणात आहेत.

 

ज्येष्ठ शास्त्रज्ञ डॉ. रघुनाथ माशेलकर यांची चंद्रकांत पाटील यांनी घेतली भेट

दरम्यान राज्याचे उच्च व तंत्रशिक्षण मंत्री चंद्रकांत पाटील यांनी आज ज्येष्ठ शास्त्रज्ञ डॉ. रघुनाथ माशेलकर यांची सदिच्छा भेट घेऊन आशीर्वाद घेतले. यावेळी डॉ. माशेलकर यांनी चंद्रकांतदादा पाटील यांच्या कामाचे भरभरुन करत, कोथरुडकरांना माणसं जोडणारा हिरा गवसला असल्याचे गौरवोग्दार काढले आहेत. यावेळी चंद्रकांत पाटील यांनी आपल्या मागील पाच वर्षाच्या कार्यकाळात केलेल्या कामांचा कार्य अहवाल डॉ. माशेलकर यांना दिला. यावेळी पाटील यांनी पाच वर्षांत केलेल्या कामांची यादी आणि उपक्रम पाहून, त्यांच्या आरोग्य विषयक योजनांची आवर्जून माहिती घेत, चंद्रकांत पाटील यांचे माशेलकरांनी कौतुक केले.

 

एखादा व्यक्ती विशेष करुन राजकीय व्यक्ती मोठ्या पदावर गेल्यावर त्याच्या स्वभावातही फरक पडतो. पण चंद्रकांत पाटील यांनी आपल्यालातील विनयशीलता, नम्रपणा आणि समाजाप्रती समर्पित होऊन काम करण्याचा गुण सोडलेला नाही. गेल्या पाच वर्षात चंद्रकांत पाटील यांनी आपल्या कामाच्या माध्यमातून कोथरुडकरांच्या मनात वेगळं स्थान निर्माण केलं आहे. त्यांच्या रुपाने कोथरुडकरांना माणसं जोडणारा हिरा गवसला असल्याचे गौरवोद्गार माशेलकर यांनी यावेळी काढले.

 

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा. खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा

 

https://linktr.ee/checkmatetimes?utm_source=linktree_profile_share