Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. ३
डिसेंबर २०२४ (Checkmate Times): कर्वेनगर मधील खचलेल्या ड्रेनेज चेंबरच्या झाकणांची समस्या सुटता सुटत नाहीये. या भागातील
चेंबरच्या झाकणांचे काम हे “थुकपट्टी” पद्धतीने करण्यात येत असल्याने, झाकण
दुरुस्त केले की पुढच्या दोन चार दिवसांत ते पुन्हा खचण्याच्या घटना घडत आहेत. या
पार्श्वभूमीवर संबंधित ठेकेदारावर कठोर कारवाई करावी आणि या पद्धतीची “थुकपट्टी”
कामे करू नयेत. नव्याने पुन्हा झाकणे बसवून मिळावीत अशी मागणी राष्ट्रवादी
काँग्रेस शरद पवार पक्षाचे कर्वेनगर अध्यक्ष किशोर शेडगे यांनी केली आहे, अन्यथा
आंदोलनाचा इशारा देखील शेडगे यांनी दिला आहे.
कर्वेनगर प्रभाग क्रमांक ३६ मधील मावळे आळी चौक ते विकास मित्र मंडळ चौक, या
रस्त्याला जोडणारे बहुतांशी सर्वच रस्ते, कॅनॉल रस्ता, होम कॉलनी मधील रस्ते,
विशेषतः चौकाचौकातील चेंबरची झाकणे खचलेली आहेत. सदर मार्गांवर वाहनांची व
नागरिकांची वर्दळ मोठ्या प्रमाणात असते. त्यात शालेय विद्यार्थ्यांची वाहतूक
करणाऱ्या वाहनांची संख्या देखील मोठी आहे. अशावेळी खड्डा वाचवण्याच्या नादात लहान
मोठे अपघात होत असतात. मात्र मनुष्यहानी होण्यापर्यंत अद्याप अपघात घडला नाही,
याचा अर्थ घडणारच नाही असे नाही. त्यामुळे अशा खड्ड्यांना चुकवताना अपघात झाल्यास
महानगरपालिकेच्या संबंधित विभागाच्या अधिकारी, कर्मचाऱ्यांना देखील सहआरोपी करून
गुन्हे दाखल करण्याची मागणी करणार असल्याचे किशोर शेडगे यांनी चेकमेट टाईम्सशी
बोलताना सांगितले.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
